Previous Entry | Next Entry
Այս
խոսքերը պատկանում են մի շատ հետաքրքիր ու կիրթ անձնավորության,
որը չգիտես ինչու որոշեց մեկնաբանել իմ գրառումը վարչապետի 70%-անոց ստի մասին:
Պարզվեց,
որ օտարալեզու դպրոցներին դեմ են "ագրեսիվ", "ատելությամբ" լեցուն, "լկտի" էակները,
որոնք "բանավիճել չեն կարողանում"...
Շատ զավեշտալի բաներ ասաց այս ընկերը ու վերջում էլ թե
"21-րդ դարը հաստատ մերն ա լինելու": Չէ,
հանկարծ չմտածեք, թե ես դեմ եմ սեփականաշնորհմանը, ի վերջո բոլորս էլ գիտենք, թե ում է պատկանում, ասենք,
ամբողջ Էջմիածինը կամ Կոտայքը, կամ էլ Հայաստանի ողջ ձեթն ու շաքարավազը, բայց որ կարելի է արդեն դարեր ու հազարամյակներ սեփականացնել, ինձ համար նորություն էր: Չնայած մրցունակ տղերքի համար սա մի բարդ խնդիր չի լինի.
Դիլիջանի դպրոցը կբացեն,
ճոպանուղին կշինեն ու կարելի է վստահորեն ասել,
որ դարն արդեն գրպանումդ է...
Հայ գիտի Հայկական Աշխարհ... :)
![[info]](http://l-stat.livejournal.com/img/userinfo.gif?v=92.1){kind=small}
kogovit's journal
Comments
Մի քանի հոգի մի պաչկա փողի դիման դպրոց են բացում... Հայաստանի կեսը ընգել դրանց ա հայհոյում: Դրանք ասում են. "Չէ, 70% մեր կողմն ա":
Անգլուխ վիճակ ա...
Եթե իշխանությունները փորձում են նախաձեռնել կործանարար հարվածներ հայոց լեզվին ու նրանց ագրեսիայի ուղղվածությունը մեր ինքնության ԴԵՄ է, ապա բնական է, որ ի հակադրություն դրան հայությունը (մտավորականները, գիտնականները, սփյուռքահայերն ու բնահայերը, մեծերն ու փոքրերը) համապատասխան առողջ ագրեսիա է դրսևորում՝ ՀԱՆՈՒՆ ինքնության և լեզվի պահպանման:
Ցավալի է այն գիտակցությունը, որ իշխանությունները կցանկանային, որ հանրությունը ոչ մի ռեակցիա էլ չդրսևորի և ուղղակի աչքերը ճպճպացնելով ու որոճալով "սիրով" (ոչ թե "ատելությամբ") ընդունի ցանկացած խոտ, որ կդնեն իր առջև: Իշխանությունների այս ցանկությո'ւնն իսկ ագրեսիա է հանրության ԴԵՄ և ատելության բռի դրսևորում:
Ինձ թվում է այդ պրիմիտիվ մեղադրանքները ագրեսիվության մեջ և նոր բլոգեռի ի հայտ գալը (համոզված եմ, հետո էլի նորերը կհայտնվեն), այն էլ "մշեցի" ազնվական հնչեղությամբ ծածկանվամբ՝ հոգեբանական ազդեցության հնարքներ են, որոնց, սակայն, կարող են ենթարկվել միայն հոգեբանորեն անհաս մարդիկ:
Ցավալի է, վիրավորական ու հիասթափեցնող իշխանությունների այսպիսի նվաստ կարծիքը հանրության և նրա ինտելեկտուալ վերնախավի մասին:
Իշխանությունների կողմից ստերով լի "սիրո" դրսևորումները խիստ մտահոգիչ են ու պարտավորեցնում են համապատասխան պաշտպանական գործողությունների:
Իզուր թող մեյմունություններ չանեն ու իրենց չխայտառակեն:
Շատ անկապն եմ չ՞է, ինչ որ անկապ բաներ եմ գրում, բայց դու էլ ես ապրելու այդ լավ Հայաստանում:
Անկապ բաներ գրելու մասին. Դուք կարող եք հավատալ ինչի էլ ուզենաք, բայց ուրիշների վզին Ձեր հավատացածը փաթաթել պետք չի. վերջիվերջո Դուք կարող եք ցնորքի էլ հավատալ, հիմա մենք կրակը հո չենք ընկնելու դրա պատճառով: Իսկ վզին փաթաթել պետք են փաստերը, հիմնավորումները: Մինչև Հայկական աշխարհ կառուցելը, միգուցե արժի՞ ավելի երկրային հարցեր լուծել: Ասենք բարձրացնել մեր ավանդական, ես կասեի պապենական, հայալեզու դպրոցների կրթության մակարդակը. կարելի է չէ՞ Դիլիջանի դպրոցի համար նախատեսված 60 միլիոնը գումարը ուղղել գոյություն ունեցող դպրոցներին, ոչինչ, թող դրանք միջազգային դպրոցներ չկոչվեն - դպրոցում սովորողները դրանից գեմարո չեն ստանա: Կամ միգուցե արժի՞ միջին մասնագիտական կրթության համակարգը ռեանիմացնել, հը՞, որ ասենք շինարարական կազմակերպությունները 40-50 տարեկան զոդողների, մեխանիկների, էլեկտրիկների, փականագործների համար իրար կոկորդ չկրծեն: Կամ միգուցե արժի մարտական հենակետերի համար գիշերային տեսանելիության սարքեր գնե՞լ, որ գիշերը ոչ ոք աննկատ չգա ու մեր զինվորներին սպանի: Այնպես որ, հարգելիս, այո, անկապ բաներ եք գրում, իրականությունից կտրված: Անկապ ու միամիտ:
Դուք խուսափեցիք Կորեոլանի կոնկրետ հարցադրումներին պատասխանելուց, եւ հասկանալի է թե ինչու: Որովհետեւ ավելի հեշտ է հայոց աշխարհի օդային ամրոցները կառուցել, "լավ ապագա" երազել 21-րդ դարը տակով անելու համար, ավելի հեշտ է ոչինչ չանել ու կարմիր գլխարկ հագած անկապ անեկդոտներ պատմել, քան թե անել մի կոնկրետ գործ, օրինակ՝ վերցնել 60 միլիոնը ու կոնկրետ բարձրացնել կոնկրետ դպրոցների որակը: Կորեոլանի մոտ ուրիշ առաջարկներ էլ կան, խելացի ու կոնկրետ, հրաշալի ու մանրամասն հիմնավորումներով, որոնցից յուրաքանչյուրն ինքնին արդեն հայոց աշխարհի կառուցման մի օղակ կարող է լինել...
Կան բազմաթիվ այլ
"սրտացավ քաղաքացիներ"բլոգերներ, միայն թե իրենց լսող ու հասկացող չկա. կառավարության համար նրանք լոկ ագրեսիվ ու անկիրթ լկտիներ են, որոնք միայն խանգարում են "մրցունակ"ճոպանուղուն, օտարալեզու "հայոց աշխարհին"...Որակավորումների մասին - ցնորք բառի ի՞նչը Ձեր դուրը չի գալիս: Ցնորք նշանակում է երազ. ինքներդ եք խոստովանել, որ "ուզում եք հավատալ, որ լավ կլինի": Բայց քանի որ խոսք գնաց բարեկիրթ շփման մասին, ապա թույլ տվեք հիշեցնել, որ ես չեմ ընդիմախոսիս լկտի անվանել:
///Ինչ վերաբերում է խնդիրներին, դրանք միլիոնավոր են, ու պետք է լուծվեն, բայց նաեւ մեր բոլորի ջանքերով, ոչ թե մեկը պետք է անի, մենք սպասենք տեսնենք ստացվում ա թե չէ, որ մի քար առնենք գլխին տանք, ու ասենք որ ամենախելոքնենք:///
Հարգելիս, շատ կներեք, բայց ի՞նչ ջանքերի մասին է խոսքը: Եկեք իմ մասին խոսենք. ասեցի, որ տխուր է վիճակը միջին մասնագիտական կրթության ոլորտում, հիմա կոնկրետ ես ի՞նչ ջանք գործադրեմ, որ վիճակը շտկվի: Ասենք, որ գլուխս մի երկու անգամ պատով տամ, կշտկվի՞: Կամ գիշերային տեսանելիության սարքեր մեր դիրքերում կհայտնվե՞ն: Ի՞նչ բոլորիս ջանքեր: Չկա նման բան, բայց կան կոնկրետ մարդիք, ովքեր դրա համար պատասխանատու են ու ովքեր էլ պիտի զբաղվեն այդ խնդիրների լուծմամբ, ովքեր թերացել են իրենց պարտականությունների կատարման հարցում:
/// Դպրոցների առումով կարծում եմ մրցակցությունը կարող է լավ խթան հանդիսանալ զարգացման համար:///
Հրաշալի է, այդ դեպքում բացատրեք խնդրեմ, ո՞րն է մրացակության առարկան: Ինչո՞վ են իրար հետ մրցելու երկու դպրոցները: Լեզվո՞վ: Պյութագոասի թեորեմը անգլերենով ավելի լավ է հասկացվում, քան հայերենո՞վ:
Ուզում եք դա տեղայնացնել, դա պահանջելու է ոչ թե 60 մլն, 160 դոլար եւ տարիներ, որպեսզի ստեղծեք այդ մակարդակի ուսուցիչներ:Ժամանակ չկա, աշխարհը արագորեն փոխվում է, իսկ մենք մնում ենք ավանակի ականջում քնած, ինչի մասին եւ չափազանց կոռեկտ իր նամակում գրել էր Ռ.Վարդանյանը: Ուզում եք , կարող եք տեղայնացնել ինքներդ, գտեք ներդրողներ, կարող եք համահայկական հիմնադրամներ ստեղծել հայկական կրթական յուրահատուկ համակարգ ստեղծելու, կամ եւրոպականը տեղայնացնեու համար, կարող եք արեք, բայց թույլ չտալ որ այս երկրում կրթության մեջ արվի ներդրում կներեք, ես համաձայն չեմ:
Երեւակայական թի եք ասում, հարգելիս: Ավելի ճիշտ չի՞ լինի այս հարցը քննարկել հենց պարոն Վարդանյանի հետ, քան միանգամից մերժել, իբր թե թանկ լինելու պատճառով: Ի դեպ, այս թեմայով մի հոյակապ գրառում ունի
http://ar-vest.livejournal.com/234941.h
Ծանոթացեք, խնդրեմ, հետո նոր թանկից ու էժանից, տարիներից ու դարերից, ու էշերի ականջներից ու պոչերից կխոսենք...
Տո թույլ էլ տվին ,տո օրենք էլ փոխին, տո 70% էլ գտան կողմնակից, մտավորականներին էլ անպատվին...
Ինչու նեղացավ էդ մարդը , չգիտե՞ք:Այն էլ այդքան խորը ու այդաք "վռազ":)
///Հարգելիներս, Ռ.Վարդանյանի դպրոցում դասավանդումն իրականացվելու է արտասահմանցի ուսուցիչների կողմից, այնտեղ մշակված ծրագրերով ու մեթոդներով, եւ այդ տեսանկյունից մրցակցությունը զարգացման հիմք կարող է դառնալ:///
Ենթադրենք (չնայած պարզ չի, թե այդ որտեղից վերցրեցիք արտասահմանցի ուսուցիչներին, մշակված ծրագրերն ու մեթոդները, բայց ենթադրենք, թե այդպես է). ի՞նչն է խանգարում այդ մեթոդներն ու ծրագրերը հայ մասնագետների օգնությամբ ուսումնասիրել (այդ թվում օրինակ խրախուսելով այդ ուղղությամբ ատենախոսությունների գրումը և այլն), թարգմանել հայերեն և փորձարկել մի քանի առանձին վերցրած դպրոցներում և դրական արդյունքի դեպքում (իսկ դրական արդյունքը, ի դեպ, երաշխավորված չի) հետզհետե ներդնել մյուս դպրոցներում:
Ի դեպ, եթե խոսում ենք մրացակցությունից, ապա ինչպես հասկանալ, որ պրն. Վարդանյանն իր նամակում ասում է, թե "վաաբշե-տըըը, իմ ապերախտ հայ ժողովուրդ ջան, էտ դպրոցը արտասահմանցիների կամ էլ քարը ճաքի սփյուռքահայերի համար էինք մենք ուզում անենք, էտ կառավարությունը որոշեց օրենք փոխի", իսկ Դուք խոսում եք մրցակցությունից: Մի տեսակ իրար հետ չեն բռնում:
///Ռ.Վարդանյանն ունի կրթական մեծ համալիրներ ձեւավորելու փորձ, այդպիսի համալիրներ նա հիմնել է Ռուսաստանում եւ լավ կլիներ, որ այդպիսի դպրոցներ լինեն նաեվ Հայաստանոմ:///
Այո, լսել ենք, բա ոնց, եթե չեմ սխալվում պետությանը քառորդ միլիարդով լոլել էր:
///Ուզում եք դա տեղայնացնել, դա պահանջելու է ոչ թե 60 մլն, 160 դոլար եւ տարիներ, որպեսզի ստեղծեք այդ մակարդակի ուսուցիչներ:///
Հեքիաթ է և 60 մլն, և առավել ևս 160 մլն. դոլարը: Եթե Դուք հայտարարում եք, թե կան ինչ-որ մեթոդներ և ծրագրեր, որոնց երեսը չգիտես ինչու ոչ ոք չի տեսել, ապա դա նշանակում է, որ կա որոշակի գրականություն, որտեղ նկարագրված են այդ մեթոդներն ու ծրագրերը և խնդիրը հանգում է. ա. գրականության հայերեն թարգմանմանը, բ. որոշակի թվով ուսուցիչների վերապատրաստմանը: Ոչ մեկի, ոչ մյուսի համար աստղաբաշխական թվեր պետք չեն:
Իսկ եթե աաայդ մակարդակի ուսուցիչներ Հայաստանում ոչ մի ձև չի լինում պատրաստել, երևի կլիման այն չի, ապա շատ բարի, թող վերցնի մանկավարժական ԲՈՒՀ-երի 50 լավագույն ուսանողների, տանի դրսում կրթի ու հետ բերի, ոչինչ, մենք 5 տարի թող աշխարհից հետ մնանք:
///Ժամանակ չկա, աշխարհը արագորեն փոխվում է, իսկ մենք մնում ենք ավանակի ականջում քնած, ինչի մասին եւ չափազանց կոռեկտ իր նամակում գրել էր Ռ.Վարդանյանը:///
Ահա, և օտարալեզու դպրոց բացելով, մենք աշխարհի հետևից պիտի հասնենք: Գիտեք ինչ, հասկացությունների լղոզման նման տրյուկները ուրիշ տեղ կարող եք բանեցնել, իմ հետ դրանք չեն անցնում:
Եթե խնդիրը ուսուցման կոնկրետ մեթոդների մի որևէ համալիր Հայաստանում փորձարկելն է, ապա դա անելու ճանապարհը 60 դոլարանոց օտարալեզու դպրոց բացելը չի, այլ այդ մեթոդները թարգմանելն ու կիրառելը: Եթե խնդիրը օտար լեզուների իմացության բարձրացումն է, ապա դա անելու ճանապարհն էլ օտարալեզու դպրոցները չեն, այլ թեքումով դպրոցները:
///Ուզում եք , կարող եք տեղայնացնել ինքներդ, գտեք ներդրողներ, կարող եք համահայկական հիմնադրամներ ստեղծել հայկական կրթական յուրահատուկ համակարգ ստեղծելու, կամ եւրոպականը տեղայնացնեու համար, կարող եք արեք, բայց թույլ չտալ որ այս երկրում կրթության մեջ արվի ներդրում կներեք, ես համաձայն չեմ:///
Ներդրումը, ինչպես նաև վերոհիշյալ "աշխարհի հետևից հասնելը" դա կուտ է, բայց նորից եմ ասում, այստեղ հավեր չկան ու գեղեցիկ բառերով փաթեթավորմանը ոչ ոք չի խափվում: Այնպես որ խոսենք ըստ էության. այդ "ներդրման" մինչև հիմա հնչած բոլոր հիմնավորումներն էլ քննադատության չեն դիմանում, որովհետև այդ հիմնավորումների և նրանց տակ դրված նպատակներին հասնելու ճիշտ ճանապարհները բոլորովին ուրիշ են: Ոչ օտար լեզուներին լավ տիրապետելը, ոչ կրթական օտարերկրյա փորձը Հայաստանում փորձարկելն ու ներդնելը այդպես չեն լուծվում: Այնպես որ ծոսքը այս երկրում կրթության մեջ չեն ներդրում անելու մասին չի, այլ փող լվանալու: